Դեկտեմբերին կայանալիք ԱԺ արտահերթ ընտրություններին մասնակցելու եւ նոր Հայաստանում հարմար տեղավորվելու առիթը քաղաքական ուժերը բաց չեն թողնում։ Խորհրդարանական ընտրություններին մասնակցելու մասին որոշում են կայացրել նաեւ մարդ- կուսակցությունները։ Irakanum.am-ի ունեցած հավաստի տեղեկություններով դեկտեմբերին նախատեսված ԱԺ արտահերթ ընտրություններին կմասնակցի նաեւ «Հայոց Արծիվներ. Միասնական Հայաստան» կուսակցությունը, որի նախագահը Խաչիկ Ասրյանն է։ Ասրյանը մտադիր է հանդես գալ ընդդիմադիր դիրքերից։ Վերջինս հիշեցնենք Սպորտի եւ երիտասարդության հարցերի փոխնախարարն էր, սակայն երկրում տեղի ունեցած իշխանափոխությունից հետո հրաժարականի դիմում ներկայացրեց, եւ այս տարվա գարնանը հիմնեց իր կուսակցությունը։ Մեզ հասած տեղեկությունների համաձայն Ասրյանը հույսը դրել է իր ղեկավարած հայրենասիրական կազմակերպության անդամների վրա, ովքեր իրեն ձայներ պետք է բերեն։ Մինչդեռ ակնհայտ է, որ ներկայիս պայմաններում Ասրյանը դժվար թե հաղթահարի անցողիկ շեմը եւ ներկայացված լինի խորհրդարանում։ Իհարկե այդ ամենից հասարակությունը չի տուժի։ Ի վերջո Խաչիկ Ասրյանը հայտնի է, որպես Սերժ Սարգսյանին հավատարմություն տված անձ, իսկ հասարակությունը վաղուց մերժել է Սարգսյանին ու նրա թիմին։ Irakanum.am