Լոռու մարզում օգոստոսի 26-ին խոշոր չափի գողության դեպ է գրանցվել. Վանաձոր քաղաքի ոստիկանության Բազումի բաժին է դիմել Վանաձորի բնակչուհի 23-ամյա Անժելա Տ.-ն եւ հայտնել, որ օգոստոսի 25-ի ժամը 13:00-ից մինչեւ այսօր գիշերը ժամը 02:00-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ տան մուտքի դուռը բացելու միջոցով ներս են մտել բնակարան, եւ այնտեղից հափշտակել խոշոր չափի գումար, ինչպես նաեւ ոսկյա ու արծաթյա զարդեր: Shamshyan.com-ի փոխանցմամբ, գողը կամ գողերը նշված բնակարանից տարել են 7000 ՌԴ ռուբլի, 200 հազար դրամ, 300 դոլար, ինչպես նաեւ 1 մլն դրամ ընդհանուր արժողությամբ ոսկյա եւ արծաթյա զարդեր: Աղբյուրի տեղեկություններով, գողոնը պատկանում է Վանաձորի թիվ 4 երաժշտական դպրոցի ուսուցչուհի, 55-ամյա Սրբուհի Ա.-ին: