Թալինի բժշկական կենտրոնը լուրջ վերանորոգման և վերազինման կարիք ունի։ Այս մասին Ֆեյսբուքի իր էջում գրում է առողջապահության նախարար Արսեն Թորոսյանը, ով այսօր աշխատանքային այցով գտնում է Արագածոտնի մարզում։ Նա նշել է․ «Արագածոտնի մարզպետ Աշոտ Սիմոնյանի հետ տեղում քննարկեցինք դրանք իրականացնելու համար անհրաժեշտ միջոցների ներգրավման հնարավորությունները։ Հույս ունեմ, որ մոտ ժամանակներս կփոխվեն կենտրոնի պատուհանները և կվերանորոգվի ծննդօգնության բաժանմունքը»։