Թուրքիայի ազգային ու կրոնական փոքրամասնությունների հոգեւոր առաջնորդները հայտարարություն են տարածել, որ իրենց համայնքները Թուրքիայում առանց ճնշումների են ապրում։ Թուրքական Diken պարբերականի փոխանցմամբ՝ Թուրքիայի ազգային ու կրոնական փոքրամասնությունների առաջնորդների հայտարարության մեջ նշվել է, թե անհիմն են վերջին շրջանում շրջանառվող այն պնդումները, թե Թուրքիայում կրոնական ու ազգային փոքրամասնությունները չեն ճնշումների են ենթարկվում եւ չեն կարողանում իրենց պատարագներն ու կրոնական այլ արարողություններ իրականացնել։ «Նախկինում ծագած բազմաթիվ խնդիրներն ու դժվարությունները ժամանակի ընթացքում լուծվել են։ Ներկայում մեզ հուզող խնդիրների շուրջ մշտապես կապի մեջ ենք պետության հետ։ Այս համատեղ հայտարարությունը անում ենք, որ քանի որ պատասխանատու ենք հասարակությանը ճիշտ տեղեկացնելու իրականության մասին»,–նշվել է հայտարարության մեջ։ Հայտարարության տակ կա նաեւ Պոլսո հայոց փոխպատրիարք, արք. Արամ Աթեշյանի ստորագրությունը։