Հայաստանում 2018 թվականի առաջին կիսամյակում ծնվել է 16 հազար 189 երեխա, որից 7 հազար 648-ը՝ աղջիկ, 8 հազար 541 տղա: Այս մասին տեղեկացնում է ՀՀ ազգային վիճակագրական ծառայությունը: Նշված ժամանակահատվածում նորածին աղջիկներին ամենից շատ տրված անուններն են Նարե, Մարիա, Մարի, Մանե, Էլեն, Անահիտ: Տասնյակում է Մարիամը, Անգելինան, Եվան Անին: Նորածին տղաների դեպքում ամենաշատ տրվող անունները հետևյալն են՝ Դավիթ, Նարեկ, Մարկ, Տիգրան, Ալեքս, Հայկ: Տասնյակը եզրափակում են Արթուրը, Գոռը, Արենը, Արամը: