ՀՀ վարչապետ Նիկոլ Փաշինյանը որոշում է ստորագրել, որով պարգեւատրել է Ֆինանսների նախարարության եւ ՊԵԿ գլխավոր քարտուղարների պաշտոնակատարներին` Վազգեն Հարությունյանին եւ Էդգար Գեւորգյանին: «Հիմք ընդունելով Հայաստանի Հանրապետության կառավարության 2011 թվականի հոկտեմբերի 20-ի N 1510-Ն որոշման հավելվածի 57-րդ եւ 57.1-րդ կետերը ու ֆինանսների նախարարության եւ պետական եկամուտների կոմիտեի գլխավոր քարտուղարների 2018 թվականի առաջին կիսամյակի կատարողականի գնահատման դրական արդյունքները` Ֆինանսների նախարարության եւ պետական եկամուտների կոմիտեի գլխավոր քարտուղարների պաշտոնակատարներին պարգեւատրել 2018 թվականի առաջին կիսամյակի կատարողականի արդյունքի հիման վրա` Հայաստանի Հանրապետության կառավարության 2017 թվականի դեկտեմբերի 28-ի N 1717-Ն որոշմամբ հաստատված ֆինանսների նախարարության պահպանման ծախսերի «Պարգեւատրումներ, դրամական խրախուսումներ եւ հատուկ վճարներ» հոդվածով՝ համաձայն հավելվածի»,-ասված է վարչապետի որոշման մեջ: