Առողջապահության նախարար Արսեն Թորոսյանի և «Վորլդ Վիժն Հայաստան» միջազգային կազմակերպության ծրագրերի տնօրեն Ժիրայր Էդիլյանի հանդիպման ժամանակ քննարկվել են կազմակերպության ծրագրերն ու նոր ռազմավարությունը:
«Վորլդ Վիժն Հայաստան»-ի և առողջապահության նախարարության միջև ստորագրվել է համագործակցության հուշագիր, որի շրջանակներում իրականացվում են մոր և մանկան առողջության, առողջության առաջնային պահպանմանն ուղղված ծրագրեր: Ուստի, հանդիպման ընթացքում քննարկվել են գործակցությունը սերտացնելու և ծրագրի ընթացքն առավել արդյունավետ դարձնելու հարցեր:
Կազմակերպությունը Հայաստանի 6 մարզում շարունակաբար իրականացնում է ծրագրեր՝ ուղղված առավել խոցելի երեխաների կայուն բարեկեցությունն ապահովելուն: Ծրագրի շրջանակներում իրականացվում են համայնքային բուժաշխատողների շարունակական մասնագիտական զարգացմանն ուղղված նախաձեռնություններ, ինչպես նաև հանրային իրազեկման միջոցառումներ առողջ սնուցման, երեխայի խնամքի և զարգացման վերաբերյալ: Այս առումով նախանշվել են մոր և մանկան առողջության ոլորտում ընդհանուր անելիքները:
Նախարար Թորոսյանը խոստացել է համակարգային որոշ կարգավորումներին զուգընթաց նոր թափ հաղորդել նախանշված ծրագրերին:
00:00:00
