00:00:00

Մալանկարա Ասորի Ուղղափառ եկեղեցու կաթողիկոս-պատրիարքն աղոթում է Հայ Եկեղեցու և նրա գահակալի համար

17:30, 21 նոյեմբեր 2026 Քաղաքականություն

Մոսկվայի և համայն Ռուսիո Կիրիլ պատրիարքի ծննդյան 80-ամյակի տոնակատարությունների շրջանակում,  նոյեմբերի 21-ին Մալանկարա Ասորի Ուղղափառ եկեղեցու պատրիարք-կաթողիկոս Վասիլի Մար Թոմաս Մատթեոս 3-ը նրան ուղեկցող պատվիրակությունը հյուրընկալվեց Մոսկվայի հայկական եկեղեցում: Այս մասին տեղեկանում ենք Ռուսաստանի և Նոր Նախիջևանի հայոց թեմից։

Թեմակալ առաջնորդ Տեր Եզրաս արք. Ներսիսյանը հյուրերին դիմավորեց առաջնորդանիստ Սուրբ Պայծառակերպություն Մայր տաճարում, որտեղ կատարվեց համատեղ աղոթք, ապա հյուրերը շրջայց կատարեցին եկեղեցուն կից գործող «Տապան» թանգարանում:

Եզրաս սրբազանն իր ողջույնի խոսքում նշեց, որ այցը երկու հնագույն Արևելյան քրիստոնեական եկեղեցիների հոգևոր մերձեցման և եղբայրության խորհրդանիշ է:

Կաթողիկոս-պատրիարքն ափսոսանք հայտնեց, որ այցի շրջանակում չի կարող անձամբ հանդիպել Գարեգին Բ Ամենայն Հայոց Կաթողիկոսին՝ ՀՀ իշխանությունների կողմից երկրից մեկնելու հանիրավի արգելքի պատճառով: Վասիլի Մար Թոմաս Մատթեոս 3 կաթողիկոս-պատրիարքը ցավ հայտնելով  իրավիճակի կապակցությամբ՝ հույս հայտնեց, որ ապագայում հնարավորություն կստեղծվի անմիջական շփման համար:

«Մեզ միավորում են նույն հավատքը և քրիստոնեական եղբայրության դարավոր կապերը: Այս դժվարին պահին մենք աղոթում և զորակցում ենք  Գարեգին Բ Ամենայն Հայոց Կաթողիկոսին և Հայ Առաքելական Եկեղեցու հոգևորականներին»,-ասաց կաթողիկոս-պատրիարքը:

Հանդիպման ավարտին կատարվեց նվերների փոխանակում:

Լրահոս

Արխիվ

March 2017
Երկ ԵրքՉոր Հնգ Ուրբ Շաբ Կիր