UFC-ի թեթև քաշային կարգի նախկին չեմպիոն Խաբիբ Նուրմագոմեդովն արձագանքել է հայազգի մարտիկ Արման Ծառուկյանի այն հայտարարությանը, թե Ռուսաստանի նախագահ Վլադիմիր Պուտինն իրեն ֆինանսապես օգնել է Դաղստանում մարզադահլիճ կառուցել։
Ավելի վաղ Ծառուկյանը նշել էր, որ ՌԴ նախագահը, ի նշանավորումն մարտիկի ունեցած վաստակի և երկրին մատուցած ծառայությունների, ֆինանսավորել է նրա մարտարվեստների դպրոցի կառուցումը։ Լեգենդար ռուսաստանցի մարտիկը սոցիալական ցանցերում կտրականապես հերքել է այս տեղեկությունը.
«Դա բացարձակ սուտ է։ Ոչ ոք երբեք չի վճարել իմ հաշիվները և ինձ համար մարզադահլիճներ չի կառուցել», — գրել է Նուրմագոմեդովը։
Հիշեցնենք, որ Աբդուլմանապ Նուրմագոմեդովի անվան մարտարվեստների դպրոցը Մախաչկալայում բացվել է դեռևս 2019 թվականի դեկտեմբերի 2-ին։
Անդրադառնալով մարզիկների վիճակագրությանը՝ նշենք, որ Արման Ծառուկյանը վերջին անգամ օկտագոն է դուրս եկել 2025 թվականի նոյեմբերին՝ Կատարի մայրաքաղաք Դոհայում կայացած UFC Fight Night 265 մրցաշարում։ Այդ մենամարտում նա երկրորդ ռաունդում խեղդող հնարքով հաղթանակ է տարել Դեն Հուկերի նկատմամբ։ Ներկայումս նրա պրոֆեսիոնալ ակտիվում կա 23 հաղթանակ և 3 պարտություն։
Ինչ վերաբերում է Նուրմագոմեդովին, ապա նա իր վերջին մենամարտն անցկացրել է 2020 թվականի հոկտեմբերին՝ UFC 254 մրցաշարում։ Ջասթին Գեյջիի դեմ մենամարտը դադարեցվել է երկրորդ ռաունդում և ավարտվել Խաբիբի հաղթանակով՝ տեխնիկական հնազանդեցմամբ (սաբմիշն)։ Նա իր պրոֆեսիոնալ կարիերան ավարտել է անպարտելի՝ գրանցելով 29 հաղթանակ։
