Լեռնային Ղարաբաղի ռազմաքաղաքական ղեկավարության դատավճիռներն ինձ համար շատ ցավալի ու ծանր են, բայց պետք է հասկանալ, որ կոնֆլիկտն ունի իներցիա, որը հնարավոր չէ մեկ լծակի գործադրմամբ կանգնեցնել։ Այս մասին այսօր Հանրային ՀԸ-ի ուղիղ եթերում ասաց վարչապետ Նիկոլ Փաշինյանը:
Նա, մասնավորապես, նշեց. «Այս թեման մշտական մեր ուշադրության կենտրոնում է, իսկ լուծումը խաղաղությունն է, կոնֆլիկտի միջավայրում այս խնդիրն անլուծելի է։
Նախորդ ամիս վերադարձան 4 անձինք, նրանցից Վագիֆ Խաչատրյանի դեպքում, վստահեցնում եմ, որ չլիներ խաղաղության բարելավվող միջավայրը, նա առնվազն չէր վերադառնա հիմա եւ առնվազն չէր վերադառնա տեսանելի ապագայում։ Եթե խաղաղությունը չզարգանա, էդ հարցի լուծումը բացառվում է։ Մենք արդեն շոշափում ենք այն գիծը, որից հետո խաղաղությունն անշրջելի է»:
