Արցախի նախկին նախագահ Արայիկ Հարությունյանը դատապարտվեց ցմահ ազատազրկման։ Այս մասին հայտնում են ադրբեջանական լրատվամիջոցները։

Ավելի վաղ հայտնել էինք, որ այսօր հրապարակվելու է Արցախի ռազմաքաղաքական նախկին ղեկավարների դեմ շինծու գործով դատավճիռը։

ԱՊԱ գործակալության փոխանցմամբ, այս կեղծ դատական ​​նիստը տեղի է ունենում Բաքվի ռազմական դատարանում՝ դատավոր Զեյնալ Ագաևի նախագահությամբ: Նշվում է, թե յուրաքանչյուրին տրամադրվել է թարգմանիչ, ինչպես նաև պաշտպաններ:

Հիշեցնենք՝ Բաքվի կողմից կազմակերպված շինծու դատավարությունը սկսվել է 2025 թվականի հունվարի 17-ին։

Դեկտեմբերի 26-ին դատավորների կազմը հեռացել է խորհրդակցական սենյակ։