Պարեկային ծառայության Երևան քաղաքի գնդի 1-ին գումարտակի ծառայողները սեպտեմբերի 3-ին Շենգավիթի փողոցում ծառայություն կատարելիս նկատել են հող փորող մի երիտասարդի, որը պարեկներին տեսնելով՝ դիմել է փախուստի:
Պարեկները նրան հետապնդել, բռնել, ապօրինի թմրանյութ պահելու, օգտագործելու և իրացնելու կասկածանքով ձերբակալել և տեղափոխել են Համայնքային ոստիկանության Շենգավիթի բաժին, հայտնում են ՆԳՆ ոստիկանությունից։
Անձնական խուզարկությամբ 24-ամյա երիտասարդի մոտ հայտնաբերվել է 11 փաթեթ՝ ընդհանուր 24,38 գրամ քաշով: Երիտասարդը հայտնել է, որ փաթեթներում մարիխուանա է: Նա և կազմված փաստաթղթերը ներկայացվել են նախաքննական մարմին:
Երևանի բնակիչ 24-ամյա երիտասարդը տեղափոխվել է ձերբակալվածների պահման վայր:
