ՄԱԿ-ի գլխավոր քարտուղար Անտոնիո Գուտերեշը ողջունում է Հայաստանի և Ադրբեջանի կողմից Միացյալ Նահանգների միջնորդությամբ կնքված համատեղ հռչակագրի ստորագրումը և այն համարում է Բաքվի և Երևանի միջև հարաբերությունների կարգավորման կարևոր հանգրվան։ Այս մասին ասված է ՄԱԿ ղեկավարի գրասենյակի տարածած հայտարարության մեջ։
«Գլխավոր քարտուղարը ողջունում է Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի՝ ԱՄՆ նախագահ Դոնալդ Թրամփի հետ միասին, ուրբաթ օրը ստորագրված համապարփակ համատեղ հռչակագիրը՝ որպես Հայաստանի և Ադրբեջանի միջև հարաբերությունների կարգավորման կարևոր հանգրվան։
Գլխավոր քարտուղարը ողջունում է նախագահ Ալիևի և վարչապետ Փաշինյանի հանձնառությունը շարունակական երկխոսությանը և վստահության ամրապնդմանը, և ճանաչում է նախագահ Թրամփի ջանքերը՝ այս հարցում առաջընթացը խթանելու համար։
Գլխավոր քարտուղարը վերահաստատում է ՄԱԿ-ի ամուր աջակցությունը Հարավային Կովկասում երկարատև խաղաղության հասնելու բոլոր ջանքերին»,-նշված է հայտարարության մեջ:
