Այս ուրբաթ ԱՄՆ-ի, Հայաստանի և Ադրբեջանի ղեկավարների մասնակցությամբ գագաթնաժողովի վերաբերյալ նոր մանրամասներ են հայտնի դարձել։ Այս մասին սոցցանցի իր էջում գրել է լրագրող Ալեքս Ռաուֆօղլուն։
Նա, մասնավորապես, հայտնել է. «Թրամփը նախ կհանդիպի Հայաստանի վարչապետ Փաշինյանի հետ, այնուհետև նա կընդունի Ադրբեջանի նախագահ Ալիևին։
Դրանից հետո երեք ղեկավարները հանդես կգան համատեղ հայտարարությամբ»:
Այս տեղեկությունն այլ աղբյուրներ չեն հաստատել, բայցև չեն հերքել:
Ավելի վաղ հայտնել էինք, որ ՀՀ կառավարության լրատվության վարչությունը ո՛չ հերքում, ո՛չ հաստատում է ԱՄՆ-ում Փաշինյան-Ալիև հնարավոր հանդիպման մասին լուրը:
