Գործող իշխանության հեռացումն ընդամենը միջոց է մեր պետության և մեր ժողովրդի առջև ծառացած խնդիրները լուծելու համար։ Մենք չենք կարող որևէ հաջողություն ունենալ այս իշխանության պայմաններում։ Այս մասին հայտարարել է Ալբերտ Բազեյանը։
Նրա խոսքով՝ այս իշխանությունը հաղթանակած հայ ժողովրդին տարել է հանպատրաստի պատերազմի, որտեղ պետք է կանխորոշված պարտություն կրեր հայկական կողմն, ու նա Արցախը հանձներ թուրքին։
Այդ պատերազմի ընթացքում , նրա դիտարկմամբ, մենք մենակ էինք, իսկ Ադրբեջանն ուներ հզոր դաշնակիցներ՝ Թուրքիա, Իսրայել, Պակիստան, նաև Ուկրաինան, որը Ադրբեջանին մատակարում է արգելված ֆոսֆորային զինատեսակներ։
Նրա խոսքով՝ չնայած ադրբեջանական հարձակմանը՝ հզոր դաշնակիցների հետ հայ զինվորներն ու ազատամարտիկները երեք օր պահել են դիրքերը, բայց Նիկոլ Փաշինյանը համալրում չկատարեց լինելով գլխավոր հրամանատար և ճեղքում առաջացավ հարավից ու եկան, հասան Շուշի։
Բազեյանը ներկայացրեց ելքի իր տեսլականը՝ նշելով, որ ունի 250 սուբյեկտի ցուցակ, քաղաքական, ընդդիմադիր ազգային ուժեր, ազտամարտիկների կողմից ստեղծված ՀԿ-ներ, բացի «Երկրապահից», քանի որ «Երկրապահի» վերնախավը, Բազեյանի գնահատմամբ, Նիկոլի հետ է։
