Ամեն օր զիջում է, ամեն օր՝ պարտություն՝ այս իշխանությունների օրոք, Հանրապետության հրապարակում հանրահավաքի ժամանակ ասաց քաղաքական վերլուծաբան Կարեն Բեքարյանը։
Այսքանից հետո շարունակել կարծել, թե Փաշինյանն ի զորու է աապահովել ՀՀ անվտանգությունը, նույնիսկ միամտություն էլ չէ։
«Է՞լ ինչ լինի, որ բոլորին դուրս բերի փողոց։ Ո՞նց կարող են Ալիևը, Էրդողանը նստել, հավասարի պես խոսել սրա հետ, ո՞նց կարող է որևէ պետության ղեկավար լուրջ ընդունել սրան (Փաշինյանին-խմբ․)։ Աշխարհը եռում է, ու դուք կարծում եք, որ սա այդ եռացող աշխարհում կարող է պաշտպանե՞լ ձեզ։ Սթափվել է պետք։ Որքա՞ն կարող ենք մեր պատմության մեջ ինքնաոչնչացման կոճակը սեղմել»,- ասաց Կարեն Բեքարյանը։
Նա շնորհակալություն հայտնեց Սրբազան հորը՝ իր հաստատակամության համար, որ անկախ ամեն ինչից՝ կանգուն է ու բոլորին հորդորում է ոտքի կանգնել։
«Տա՛ Աստված մեզ այնպիսի արթնացում, որ երկինքն էլ դողա, ուր մնաց՝ սրանք (օրվա իշխանությունները-խմբ․)»,- ընդգծեց Կարեն Բեքարյանը։
