«Ժողովուրդ» օրաթերթի տեղեկությունների համաձայն՝ օրերս տեղի ունեցած ՔՊ վարչության նիստում որոշել են, որ Սյունիքի մարզի Սիսիանի համայնքապետ Արմեն Հակոբջանյանը պետք է հրաժարական ներկայացնի: Քաղաքական իշխանությունը բացահայտել է, որ ՔՊ-ական քաղաքապետը հայրենի ընդդիմության հետ սերտ կապերի մեջ է եղել:
Ավելին՝ ըստ «Ժողովուրդ» օրաթերթին հասած լուրերի, Հակոբջանյանի հրաժարականի հարցը բարձրաձայնել է նույն մարզի ՔՊ-ական պատգամավոր Կարեն Համբարձումյանը:
Նկատենք, որ Արմեն Հակոբջանյանը Սիսիանի նախկին քաղաքապետ Աղասի Հակոբջանյանի եղբորորդին է: Փաստորեն, Նիկոլ Փաշինյանը նախկինում քրեական գործերով անցնող Սիսիանի նախկին քաղաքապետ Աղասի Հակոբջանյանի եղբորորդուն նշանակել էր համայնքի ղեկավարի ժամանակավոր պաշտոնակատար:
«Ժողովուրդ» օրաթերթը փորձեց կապ հաստատել Սիսիանի համայնքապետ Արմեն Հակոբջանյանի հետ, սակայն նա այդպես էլ չպատասխանեց մեր զանգերին:
«Ժողովուրդ» օրաթերթը փորձեց կապ հաստատել նաեւ նույն մարզի ՔՊ-ական պատգամավոր Կարեն Համբարձումյանի հետ, ով հորդորեց մեզ գրավոր հարցում ուղարկել»:
Ավելին՝ «Ժողովուրդ» օրաթերթի այսօրվա համարում։
