Ծրագիրը կազմակերպվում է «Big Mind» ուսումնական կենտրոնի կողմից ՀՀ կրթության, գիտության, մշակույթի և սպորտի նախարարության կողմից իրականացվող դրամաշնորհային ծրագրի շրջանակում։
Ծրագիրը նախատեսված է հայերենի իմացության տարբեր մակարդակներ ունեցող մասնակիցների համար, որոնք նախօրոք կանցնեն գիտելիքի ստուգման թեստավորում։
Դասընթացի հիմնական նպատակն է նրանց գիտելիքների բարելավումը և համապատասխանեցումը դպրոցական ծրագրին։
Ծրագրին կարող են մասնակցել միգրանտ ընտանիքների՝ 4-9 դասարաններում սովորող երեխաները․
-Հայեր և օտարազգիներ, որոնք տեղափոխվել են Հայաստան և չգիտեն հայերեն։
-Հայեր և օտարազգիներ, որոնք տեղափոխվել են Հայաստան և կարիք ունեն գիտելիքների բարելավման և դպրոցական ծրագրին համապատասխանեցման։
-Արևմտահայերենով կրթություն ստացած մասնակիցներ, որոնք ունեն լեզվական ադապտացիայի խնդիր դպրոցում։
Մասնակիցները դիմելու են մինչև մայիսի 20-ը, ուսուցումը ամբողջովին անվճար է։ Դասերն անցկացվում են ուսուցման նորարարական մեթոդներով և արհեստավարժ մասնագետների կողմից։
Դասընթացին մասնակցելու համար անցեք այս հղումով։