Իմ ունեցած տեղեկություններով՝ ոչ մի նախնական պայմանավորվածություն չկա, նման քննարկումներ չեն եղել, բայց եթե կա որևէ երկիր, որը գազ է վաճառում, իսկ մյուս երկիրն էլ դրա կարիքն ունի, և եթե որևէ խոչընդոտ չկա, ամեն բան քննարկելի է, լրագրողների հետ զրույցում անդարադառնալով Ալեն Սիմոնյանի այն հայտարարությանը, թե պետք է քննարկվի Ադրբեջանից գազ գնելու հարցը՝ ասաց ԱԺ պատգամավոր Բաբկեն Թունյանը։
Նա ընդգծեց, որ այս պահին որևէ պայմանավորվածություն կամ համաձայնություն չկա։
Հարցին՝ ինչո՞ւ հենց Ադրբեջանից՝ պատգամավորը պատասխանեց.«Հայաստանի համար որևէ տարբերություն չկա, թե որտեղից կգնի իր էներգառեսուրսը։ Պետք է գնի այնտեղից, որտեղից ամենաէժանն ու շահեկանն է։ Մենք հիմա պետք է փորձենք մաքսիմալ դիվերսիֆիկացնել մեր աղբյուրները։ Այս պահին ռուսական գազը մեր տնտեսության ամբողջական պահանջը բավարարում է»։
