Բաղանիսի բնակիչները փակել են միջպետական ճանապարհը, քանզի համաձայն չեն միակողմանի կերպով տարածքները Ադրբեջանին հանձնելուն, որի  հետեւանքով վտանգելու է Բաղանիսը  եւ ոչ միայն Բաղանիսը։ Այս մասին ֆեյսբուքյան իր էջում հայտնել է լրագրող Ոսկան Սարգսյանը։

«Ոսկեպարի բնակիչները հավաքվել են,հայտարարել, որ Նիկոլ Փաշինյանն իրենց այլ բան էր խոստացել, քան Հայաստանի եւ Ադրբեջանի սահմանազատման հանձնաժողովի որոշումն է։ Վաղը Ոսկեպարի բնակիչները վճռական քայլերի կդիմեն»,- տեղեկացրել է Սարգսյանը։