Չինաստանում կինը ծննդաբերել է հետույքի վրա պոչ ունեցող երեխա։ Այս մասին գրում է Metro-ն։

Չինացի մանկաբույժ բժիշկ Լին համացանցում տարածել է հազվագյուտ դեպքի կադրերը, հայտնում է Lenta.ru-ն։ Նա ցույց է տվել նորածին տղայի գոտկատեղի և հետույքի 10 սանտիմետրանոց պոչի նման գոյացությունը և հավելել, որ անոմալիան կարող է լինել պտղի զարգացման խանգարման հետևանք։ Բժիշկը նաև կասկածել է, որ երեխան ունի մի հիվանդություն, որի ժամանակ ողնուղեղը «կապված» է շրջակա հյուսվածքներին, ինչը հանգեցնում է սահմանափակ շարժման: Սովորաբար ողնուղեղն ազատորեն շարժվում է ողնաշարի ջրանցքի ներսում, սակայն այս համախտանիշի դեպքում այն խարսխվում է և չի կարող ազատ տեղաշարժվել:

Այնուհետև ՄՌՏ հետազոտությունը հաստատել է մանկաբույժի կասկածները։