Ես որպես պատգամավոր, խմբակցության անդամ այդ մասին տեղեկություն չունեմ, ենթադրում եմ, որ խմբակցության մյուս անդամները՝ ևս։ Այս մասին լրագրողների հետ զրույցում ասաց ՔՊ-ական պատգամավոր Բաբկեն Թունյանը՝ խոսելով Ուկրաինայի նախագահ Վլադիմիր Զելենսկիի՝ Հայաստան հնարավոր այցի մասին՝ նշելով, որ դա անհավանական չի համարում։
Հարցին՝ արդյո՞ք վտանգներ չի տեսնում այս մասով, հայ-ռուսական հարաբերությունների վատթարացման համատեքստում, Թունյանը նշեց, որ Ուկրաինայի նախագահը երկրի ընտրված ղեկավար է, և ինչպես մնացած երկրների նախագահները, եթե ինչ-որ հատուկ արգելք չկա կարող է այցելել Հայաստան։
Դիտարկմանը, որ սա կարող է մեսիջ լինել ՌԴ-ին, քանի որ ամերիկյան կողմն է պնդում Զելենսկու այցը, ՔՊ-ականը նշեց, որ դրա վերաբերյալ պաշտոնական որևէ հայտարարություն չի տեսել․ «Ամեն ինչի մեջ էլ կարելի է հակառուսական երանգ գտնել, եթե փնտրում եք, նույնը կարելի է տեսնել մեր կողմից Հռոմի ստատուտի վավերացման մեջ։ Քանի դեռ այդ մասին պաշտոնական հայտարարություն չկա, թույլ տվեք չմեկնաբանել»,-ասաց Թունյանը։
Մանրամասները՝ տեսանյութում։
