Ադրբեջանի նախագահի օգնական Հիքմեթ Հաջիևը գերմանական ZDF հրատարակությանը տված հարցազրույցում պնդել է, թե «ադրբեջանցիները պետք է իրավունք ունենան այցելելու Հայաստան»։
«Սա չի ենթադրում տարածքային պահանջներ Հայաստանի նկատմամբ»,– վստահեցրել է նա։
«Ինչ վերաբերում է «Զանգեզուրի միջանցքին», մենք հույս ունենք, որ Հայաստանը կկատարի իր պարտավորությունները։ Համաձայն 2020 թվականի եռակողմ հայտարարության՝ Հայաստանը համաձայնել է ադրբեջանցիներին ապահովել Ադրբեջանի հիմնական տարածքից դեպի Նախիջևան անխափան հասանելիություն։ Սակայն Հայաստանը դեռևս չի կատարել իր պարտավորությունը»,– ասել է Հաջիևը։
