Իրավիճակն առաջնագծում գնալով լարվում է, ԱԺ-ում լրագրողների հետ զրույցում ասաց «Պատիվ ունեմ» խմբակցության պատգամավոր Տիգրան Աբրահամյանը:
Արցախում ադրբեջանական զորքերի տեղակայումը, նրա խոսքով, Ակնայի ուղղությամբ է, որը հարակից է Մարտունու, Ասկերանի ու Մարտակերտի շրջաններին:
«Ռազմաքաղաքական իրավիճակը գնահատում եմ բավականին լարված, ինչը կարող է բերել անցանկալի իրադարձությունների»,- նշեց պատգամավորը:
Տիգրան Աբրահամյանն ասաց, որ նկատելի են և զրահատանկային, և հրետանային, և հրթիռային զորքերի համալրումներ:
«Բավականին ակտիվ գործում են նաև անօդաչու թռչող սարքերը առաջնագծի բոլոր ուղղություններով»,- ասաց «Պատիվ ունեմ» խմբակցության քարտուղարը:
