Բելառուսի ԱԳՆ ղեկավարը կարծում է, որ չի կարելի հույսը դնել արտաքին ուժերի վրա: ԱՄՆ Ներկայացուցիչների պալատի խոսնակ Նենսի Փելոսիի Հայաստան կատարած այցն, ըստ նրա, միայն սրում է հակամարտությունը. այդ մասին հայտարարել է Բելառուսի արտգործնախարար Վլադիմիր Մակեյը՝ ամփոփելով իր մասնակցությունը ՄԱԿ-ի Գլխավոր ասամբլեայի 77-րդ նստաշրջանին։
«Հետևաբար, նման այցերը կապված են ոչ թե հակամարտությունների լարվածության որոշակի նվազման, այլ, հակառակը, սրման հետ: Դժվար թե նպատակահարմար լինի հույսը դնել արտաքին հորեղբայրների և մորաքույրների վրա», - ասել է Մակեյը:
Այս հայտարարությանն ի պատասխան Twitter-ի իր միկրոբլոկում գրառում է կատարել ՀՀ նախկին ԱԳ նախարար Զոհրաբ Մնացականյանը:
«Բելառուսի ԱԳ նախարարը, կարծես թե, կարծիք ունի Փելոսիի Հայաստան այցելության վերաբերյալ: Լավ չէ և անտեղի է: Հայաստանը վերապահումներով է վերաբերվում Բելառուսի Ադրբեջանին չափազանց ջերմ վերաբերմունքին՝ հաճախ ի վնաս մեզ», - գրել է Մնացականյանը: