ՌԴ նախագահի օգնական Յուրի Ուշակովը հայտարարել է, որ Վլադիմիր Պուտինը, ամենայն հավանականությամբ, չի հրաժարվի պատասխանել Ուկրաինայի նախագահ Վլադիմիր Զելենսկու հեռախոսազանգին։
«Կարծում եմ՝ անպայման կպատասխանի։ Պուտինը երբեք չի հրաժարվել զրույցներից»,-ասել է Ուշակովը։
Նրա խոսքով՝ Կիևի ռեժիմի ղեկավարը տարբեր խողովակներով ազդակներ է փոխանցում երկխոսության պատրաստակամության մասին։ Ուշակովը հիշեցրել է, որ եթե դա իսկապես այդպես է, ապա Զելենսկին կարող է գալ Մոսկվա։
«Եթե այդքան ցանկանում է բանակցել, թող գա»,- եզրափակել է Պուտինի օգնականը։
