Դանիացի օրենսդիրները համաձայնել են 5.05 միլիարդ դանիական կրոն (664 միլիոն դոլար) տնտեսական օգնության փաթեթ տրամադրել՝ էներգակիրների գների աճի հարվածը մեղմելու համար, չնայած Կենտրոնական բանկի նախազգուշացմանը, հաղորդում է Reuters-ը:
Դանիան, ինչպես մնացած Եվրոպան, փորձում է օգնել տնային տնտեսություններին եւ ձեռնարկություններին հաղթահարել սպառողական գների աճն Ուկրաինայում համավարակի եւ պատերազմի հետեւանքով:
Փաթեթը ներառում էր էլեկտրաէներգիայի սակագնի նվազեցում և փոքր երեխաներ ունեցող ընտանիքներին կանխիկ վճարումներ։ Կենտրոնական բանկն այս շաբաթ նախազգուշացրել էր էներգակիրների բարձր գների հետեւանքները չմեղմել հարկերի նվազեցման միջոցով, քանի որ դա էլ ավելի կբարձրացնի գները եւ կխոչընդոտի էներգախնայողությանը: Ֆինանսների նախարար Նիկոլայ Վամմենը պնդել է, որ այդ միջոցը գնաճի ավելացման չի հանգեցնի։ «Այն, ինչ մենք հիմա անում ենք, տնտեսապես հիմնավորված է, քանի որ կարեւոր է չբորբոքել գնաճի կրակը»։
Դանիան ավելի վաղ համաձայնել էր կանխիկ դրամական նպաստներ տրամադրել տարեցների համար եւ սահմանափակել տարեկան վարձավճարների բարձրացումը հաջորդ երկու տարիների համար՝ կարիքավոր տնային տնտեսություններին օգնելու համար:
