Լոնդոնի շտապօգնության ծառայությունը չորեքշաբթի օրվանից 710 կանչ է ստացել այն մարդկանցից, որոնք Եղիսաբեթ II թագուհուն հրաժեշտ տալու համար հերթ են կանգնել, հայտնում է The Guardian-ը։
Բուժօգնության դիմած քաղաքացիների մեծամասնությունը տեղում օգնություն է ստացել, իսկ 81 մարդ հոսպիտալացվել է։
Բրիտանացիները սեպտեմբերի 14-ից հերթ են կանգնում Վեսթմինսթերյան դահլիճի մոտ՝ հանգուցյալ թագուհուն վերջին հրաժեշտը տալու համար:
Մեծ Բրիտանիայի թագավոր Չարլզ III-ը և գահաժառանգ արքայազն Ուիլյամը մոտեցել են հերթում կանգնած մարդկանց եւ զրուցել նրանց հետ։ Թագավորն ու արքայազնը շնորհակալություն են հայտնել նաև Լոնդոնի կենտրոնում աշխատող բուժաշխատողներին։
Եղիսաբեթ II-ի հուղարկավորությունը տեղի կունենա սեպտեմբերի 19-ին:
