Այս պահի դրությամբ հաստատված երկու զոհ ունենք քաղաքացիական անձանց շրջանում։ Ընդ որում՝ մեկը ճանապարհը թիրախավորելու արդյունքում է զոհվել, ունենք դեպք, որ շտապօգնության մեքենան է թիրախավորվել: Այս մասին այսօր լրագրողների հետ զրույցում հայտնել ՀՀ քննչական կոմիտեի նախագահ Արգիշտի Քյարամյանը:
ՔԿ նախագահը հայտնեց, որ քրգործեր են հարուցվել Ադրբեջանի ռազմաքաղաքական ղեկավարության կողմից ագրեսիայի ակտ նախաձեռնելու ու միջազգային մարդասիրական մի շարք էական խախտումներ թույլ տարու հետ կապված, ինչպես նաև քրեական գործեր են հարուցվել դիակապտության հոդվածով: