Ռուսաստանը չափազանց մտահոգված է հայ-ադրբեջանական սահմանին իրավիճակի սրմամբ եւ կողմերին զսպվածության ու հրադադարի ռեժիմը պահպանելու կոչ է անում։ Այս մասին հայտարարել է ՌԴ նախագահի օգնական Յուրի Ուշակովը, հաղորդում է «ՌԻԱ Նովոստին»։
«Մենք, իհարկե, չափազանց մտահոգված ենք իրավիճակի սրմամբ։ Գիշերը նախագահ Պուտինին զանգել է ՀՀ վարչապետ Նիկոլ Փաշինյանը։ Մենք եւ՛ Ադրբեջանին, եւ՛ Հայաստանին զսպվածության կոչ ենք անում։ Կողմերը պետք է անշեղորեն հետեւեն հրադադարի ռեժիմին եւ հետեւեն Ռուսաստանի, Ադրբեջանի եւ Հայաստանի առաջնորդների եռակողմ հայտարարությանը»,-ասել է նա։
