Մեծ Բրիտանիայի թագուհի Եղիսաբեթ 2-րդը դարձել է աշխարհի հինգերորդ ամենաերկար գահակալող միապետը, հայտնում է Daily Mail պարբերականը:

Վերջինս առաջ է անցել 19-րդ դարում Ավստրիայի կայսր Ֆրանց Յոզեֆ I-ից` գերազանցելով վերջինիս 67 տարի 355 օր կառավարման ժամկետը:

Թագուհին նաև 2015 թվականի սեպտեմբերին պաշտոնապես դարձել է բրիտանական ամենաերկար գահընկալած միապետը` գերազանցելով Վիկտորիա թագուհուն:

Այս մասին Twitter սոցիալական կայքի իր էջում առաջին անգամ տեղեկացրել է քաղագիտության, փիլիսոփայության և քաղաքական աստվածաբանության դասախոս Ադրիան Հիլթոնը` նշելով, որ 1952 թվականի փետրվարի 6-ին պաշտոնապես գահակալությունը սկսած թագուհին այժմ գտնվում է աշխարհի ամենաերկար գահակալած միապետերի ցուցակի հինգերորդ հորիզոնականում:

Վերջինիս կողմից հրապարակած ցուցակում երևում է, որ թագուհուն հաջորդում է Ք'ինիչ Ջանաաբ Պակալ I-ն, որը համարվել է 7-րդ դարի Մայաների ամենահայտնի ղեկավարներից մեկը, այնուհետև գալիս են Լիխտենշտայնի առաջնորդ Յոհան II-ը և 1946-2016 թվականներին Թաիլանդի ղեկավար Բհումիբոլ Ադելյադետը: