Թուրքիայում անհայտ անձինք կրակել են երկրի ֆուտբոլի ֆեդերացիայի շենքի վրա, որը գտնվում է Ստամբուլում։ Այս մասին հայտնում է NTV-ն։
Փամփուշտներից մեկը թռել է «Բավարիայի» նախկին ֆուտբոլիստ Համիտ Ալթինթոփի գլխի վրայով, նա թեթև վնասվածք է ստացել ապակու կոտրվածքից։
Անհայտ անձինք արձակել են 7 կրակոց, ինչից հետո ավտոմեքենայով դիմել են փախուստի։ Երեք փամփուշտ դիպել է ֆեդերացիայի նախագահի գրասենյակին և նիստերի դահլիճին, սակայն ոչ ոք չի տուժել։
Հետաքննություն է ընթանում, կա 2 կասկածյալ:
Թուրքիայի ֆուտբոլի ֆեդերացիայից մեկնաբանություններ դեռ չկան։