Ռուսաստանի Դաշնության ռազմատրանսպորտային ավիացիայի ինքնաթիռներն ավարտել են ՀԱՊԿ խաղաղապահ ուժերի կազմից հայ զինվորականների տեղափոխումը Ղազախստան, այս մասին հայտնում է ՌԴ պաշտպանության նախարարությունը։

«Ավարտել է Ռուսաստանի պաշտպանության նախարարության ռազմատրանսպորտային ավիացիայի ինքնաթիռներով ՀԱՊԿ խաղաղապահ ուժերից Հայաստանի զինված ուժերի կազմից զինծառայողների տեղափոխումը Ղազախստանի Հանրապետություն»,- ասվում է հաղորդագրության մեջ։

Նշվում է, որ զինծառայողները Հայաստանի «Զվարթնոց» օդանավակայանից ՌԴ օդատիեզերական ուժերի «Իլ-76» ռազմատրանսպորտային ինքնաթիռներով են տեղափոխվել Ղազախստանում Ալմաթիի օդանավակայան։