Լեռնային Ղարաբաղի հակամարտությունն ամենաբարդ, ձգձգվող և արյունալի հակամրտություններից մեկն է։ Այս մասին մամուլի ասուլիսի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Նա Հայաստանին ու Ադրբեջանին խաղաղություն և համբերություն է մաղթել հակամարտության կարգավորման գործընթացում։

«Ուզում եմ Հայաստանին և Ադրբեջանին համբերություն մաղթել, ինչպես նաև բոլոր մասնագետներին, որոնք աշխատում են և վերահսկում իրավիճակը, այդ թվում նաև ռուսական կողմը»,-նշել է Մարիա Զախարովան։

ԱԳՆ պաշտոնական ներկայացուցիչը հույս է հայտնել, որ ամեն ինչ կստացվի, եթե կողմերը գործադրեն առավելագույն ջանքերը։
Նա նշել է, որ նոյեմբերի 9-ի եռակողմ պայմանավորվածությունները վերջին մեկ տարվա ընթացքում հիմնականում իրականացվել են և որ Երևանն ու Բաքուն հավատարիմ են մնում այդ դրույթների պահպանմանը։