«Քաղաքացիական գիտակցություն» ՀԿ-ի նախագահ Նարեկ Սամսոնյանը քիչ առաջ ազատ արձակվեց։ Այս մասին այսօր՝ դեկտեմբերի 16-ին, լրագրողների հետ զրույցում ասաց նրա փաստաբան Ռուբեն Մելիքյանը։

Հիշեցնենք, որ Նարեկ Սամսոնյանին իր տան բակից բերման էին ենթարկել այն պահին, երբ նա ինքնակամ գնում էր Նոր Նորքի քննչական բաժին։ Ռուբեն Մելիքյանն էլ հայտնել էր, որ քննիչը հեռախոսազանգով տեղեկացրել է Սամսոնյանին ժամը 12։00-ին քննչական բաժին ներկայանալու համար, սակայն չի սպասել, որ Սամսոնյանը գնա, եւ որոշվել է նրան բերման ենթարկել։