Ազգային ժողովի «Հայաստան» խմբակցության ղեկավար, պաշտպանության նախկին նախարար Սեյրան Օհանյանը և նրա կինը՝ Ռուզաննա Խաչատրյանը այսօր՝ դեկտեմբերի 15-ին, հրավիրվել են գլխավոր դատախազություն: Այս մասին Իրավաբան.net-ի հետ զրույցում ասաց գլխավոր դատախազի խորհրդական Գոռ Աբրահամյանը:

Գլխավոր դատախազի խորհրդականի խոսքով՝ վերջիներս գլխավոր դատախազություն են հրավիրվել ապօրինի ծագում ունեցող գույքի բռնագանձման գործընթացի շրջանակում:

«Սեյրան Օհանյանն ու Ռուզաննա Խաչատրյանը գլխավոր դատախազություն են ներկայացել՝ թղթերին ծանոթանալու և դիրքորոշում հայտնելու նպատակով»,- նշեց Աբրահամյանը: