Կիպրոսի ափերի մոտ բացվել է Museum of Underwater Sculpture Ayia Napa (MUSAN) ստորջրյա թանգարանը, որն իր տեսակի մեջ առաջինն է Միջերկրական ծովում, գրում է Luxury Launches-ը:
Տեսարժան վայրը գտնվում է Այա Նապա լողափից երկու հարյուր մետր հեռավորության վրա և նպատակ ունի զարգացնելու զբոսաշրջությունն այս վայրում:
Այցելուներին առաջարկվում է սուզվել ստորջրյա գանձերի աշխարհ, տեսնել տեղադրված քանդակներն ու ծանոթանալ ծովային կյանքին:
Հատկանշական է, որ բոլոր քանդակները պատրաստված են pH չեզոք նյութերից, որպեսզի շրջակա միջավայրի վրա բացասական ազդեցություն չլինի:
Ընդհանուր առմամբ, թանգարանում կա արվեստի 93 գործ:
