Թուրքական անօդաչու թռչող սարք արտադրողը մարտական դրոններ վաճառելու վերաբերյալ բանակցություններ է վարում տասը երկրների հետ, հայտնում է իշխանամետ Daily Sabah-ը: Այս մասին հայտարարել է Baykar-ի տեխնիկական տնօրեն Սելջուկ Բայրաքթարը: Նրա կանխատեսումներով՝ Tactical Block 2 անօդաչու թռչող սարքերի արտահանման ծավալները կսկսեն կազմել ընկերության եկամուտների ավելի մեծ մասը, քանի որ այդ բանակցություններն առաջ են ընթանում: Այսօր թուրքական TB-2 դրոնը ներառված է Կատարի, Լիբիայի, Ուկրաինայի, Լեհաստանի եւ Ադրբեջանի սպառազինության մեջ: Թուրքական անօդաչու թռչող սարքերի նկատմամբ հետաքրքրություն ցուցաբերող այլ երկրներն են, մասնավորապես, Լատվիան, Ղազախստանը եւ Պակիստանը: