Առողջապահության համաշխարհային կազմակերպության (ԱՀԿ) ղեկավար Թեդրոս Ադան Գեբրեյեսուսը հայտարարել է, որ կորոնավիրուսի համաճարակը շատ վտանգավոր փուլում է, չնայած դրա դեմ պայքարում միջազգային հանրության կողմից ձեռք բերված առաջընթացին:
Դրա հետ մեկտեղ ԱՀԿ-ի ղեկավարն ընդգծել է, որ համաշխարհային հանրությունն առաջընթաց է արձանագրում համաճարակի վերահսկողության հարցում: Ստեղծված իրավիճակում «միակ ելքը» նա համարում է երկրներին աջակցություն ցուցաբերելը անհատական պաշտպանական միջոցների, թեստերի, բուժական նյութերի եւ պատվաստանյութերի արդարացի բաշխման հարցում:
Գեբրեյեսուսը նաեւ հիշեցրել է, որ այս պահին պանդեմիայի հետ կապված սահմանափակումները մեղմացնում են այն երկրները, որոնք ունեն կորոնավիրուսի դեմ պայքարի գործիքներ, առաջին հերթին՝ պատվաստանյութեր: Սակայն պետությունները, որոնք բավարար մատակարարումների հասանելիություն չունեն, բախվում են հոսպիտալացման եւ մահացության ալիքների հետ, եզրափակել է նա:
00:00:00
