Բաքուն ամեն կերպ փորձում է գերիների հարցը դարձնել շահարկման առարկա, արհեստականորեն դաշտ նետվեց ականապատ դաշտերի քարտեզների հարցը, որ փորձեն համահավասարեցնել։Այս մասին ԵԽԽՎ պատվիրակության ասուլիսի ժամանակ ասաց պատգամավոր Տաթևիկ Հայրապետյանը․ «Կա պարտավորություն այլ հումանիտար հարցերի շուրջ, կարող ենք քննարկել, հայկական կողմը որևէ կերպ չի խոչընդոտում հումանիտար հարցերի լուծմանը»,-ասաց Հայրապետյանը և ընդգծեց, որ գերիների հարցը զերծ է բոլոր տեսակի շահարկումներից։ Պատգամավորը նշեց, որ պետք է օր առաջ վերադարձնել գերիներին, սակայն պետք է դա անել առանց պետությանը վնաասելու։ «Բաքուն և Անկարան ունեն ապակառուցողական դիրքորոշում ոչ միայն գերիների, այլ՝ տարածաշրջանի վերաբերյալ, վերջին ինտենսիվ զորավարժությունները սրա վառ ապացույցն են»,-ասաց Հայրապետյանը։