Ռազմիկ Թևոնյանի նկատմամբ վարույթը հարուցվել է հունիսի 18-ին, իսկ Մարտիկ Թևոնյանի նկատմամբ՝ հունիսի 22-ին:
Կայքը գրել էր, որ Ռազմիկ Թևոնյանն Արարատի մարզպետի պաշտոնն ստանձնել է 2020թ. դեկտեմբերի 10-ին: Մարզպետ նշանակվելուց առաջ Ռ. Թևոնյանը եղել է «Երասխի գինու գործարան» ՍՊԸ-ի տնօրենը, սակայն պետական ռեգիստրի տվյալների համաձայն՝ մարզպետը դեռ շարունակում է լինել գործարանի տնօրեն, թեև օրենքը համատեղելիությունն արգելում է: Ի դեպ, գործարանի տնօրենի պաշտոնն Արարատի ներկայիս մարզպետը զբաղեցնում է 2004թ.-ից:
Կոռուպցիայի կանխարգելման հանձնաժողովն անհամատեղելիության պահանջների առերևույթ խախտման հիմքով վարույթներ է հարուցել Արարատի մարզպետ Ռազմիկ Թևոնյանի և Արալեզ համայնքի ղեկավար Մարտիկ Թևոնյանի նկատմամբ:
Հանձնաժողովից տեղեկացրել են, որ վարչական վարույթը հարուցվել է «Հետքի»՝ «Արարատի մարզպետը շարունակում է մնալ «Երասխի գինու գործարան» ՍՊԸ-ի տնօրենը» վերնագրով հոդվածի հիման վրա:
