Հայ ժողովուրդը կատարեց իր ընտրությունը եւ վարչապետ ընտրեց Փաշինյանին: Այս մասին «Փաստինֆո»- ի հետ զրույցում ասել է ռուս հայտնի քաղաքագետ Եվգենի Սատանովսկին ՝ նշելով, որ Փաշինյանն ունի բոլոր հատկանիշները, որոնք համապատասխանում են պոպուլիստին և հեղափոխական լրագրողին, ինչն էլ հանգեցրեց Ղարաբաղում ծանրագույն պարտությանը:
Ժողովրդավարական համակարգում, ինչպես նշել է քաղաքագետը, ընտրողն է որոշում, թե ով պետք է ղեկավարի երկիրը: «Ի՞նչ հետեւանքներ դա կունենա երկիրի համար, ինչպիսի՞ հարաբերություններ կունենա արտաքին աշխարհի հետ, կմնա՞ այդ երկիրը քարտեզի վրա, կբարգավաճի՞, թե՞ ոչ, յուրաքանչյուր դեպքում արդյունքը կարող է տարբեր լինել», - նշել է փորձագետը:
Ռուս քաղաքագետի համոզմամբ՝ Հայաստանը կորցրել է Ղարաբաղը: «Ղարաբաղում հայկական ներկայությունն ապահովում է բացառապես Ռուսաստանի Դաշնությունը, և Անդրկովկասում Ռուսաստանի այն շահերը, որոնք Մոսկվան պատրաստ է առայժմ ապահովել ռազմական ուժով: Եթե Պուտինը չկարծեր, որ կարող է ռիսկի մատնել ռուս խաղաղապահներին, որպեսզի ինչ-որ հայկական բան մնա Ղարաբաղում, ապա Ստեփանակերտը այսօր գրավված կլիներ: Սկզբունքորեն, Ղարաբաղում հայկական ոչինչ չէր մնա: Այսպիսով, Ղարաբաղը կարժանանար Թուրքիայում մնացած Հայաստանի հողերի ճակատագրին: Թուրքիայում այլևս հայկական ժառանգություն չկա, այդ պատմական փաստը ամեն օր և ժամ ջնջվում է երկրի երեսից, այդ թվում `Թուրքիայի ներկայիս ղեկավարության կողմից: Ղարաբաղի հետ, որով Թուրքիան սկսել է առարկայական զբաղվել, կլիներ նույն իրավիճակը։ Ավելին, որոշակի հանգամանքների պարագայում Էրդողանը կարող էր վերցնել նաեւ Երեւանը: Այստեղ հարցն այն է, թե Երեւանում ինչպես կընդունեն ռուսական կողմի խորհուրդները: Արդյո՞ք Փաշինյանը կշարունակի ապավինել Ամերիկայի դեսպանատան և Պետդեպարտամենտի խորհուրդներին: Նրանց, ըստ էության, չեն հետաքրքրում հետխորհրդային երկրները, բացառությամբ Ռուսաստանի հետ իրենց հարաբերությունները փչացնելու հնարավորության տեսանկյունից: Կամ արդյոք Փաշինյանին կհետաքրքրի ոչ միայն իր անձնական ցանկությունները, այլև աշխարհի քարտեզի վրա Հայաստանը, որպես այդպիսիք կմնա, թե ոչ», - ասել է Սատանովսկին:
Քաղաքագետն ընդգծեց, որ այսօր Ռուսաստանում Փաշինյանի վարչապետությունն ընկալվում է առանց ոգևորության: Այդ թվում ` հաշվի առնելով Ռուսաստանի համակրանքը Գարեգին Նժդեհի գաղափարները կիսող քաղաքական ուժերի հանդեպ:
Բացի այդ, մեր զրուցակցի դիտարկմամբ՝ Հայաստանը բաց է թողել Ադրբեջանի հետ հարաբերությունների առավել շահավետ կարգավորելու հնարավորությունը:
«Հայաստանը նման հնարավորություններ ուներ վերջերս, ինչպես պատերազմից առաջ, այնպես էլ ռազմական գործողությունների հենց սկզբում: Բայց Նիկոլ Փաշինյանը իրավիճակը հասցրեց գրեթե աղետի աստիճանի ՝ միաժամանակ նա հաջողացրեց դրանում մեղադրել ռուսական զենքը և Ռուսաստանին, թեեւ դրան հանգեցրել էր ինքը եւ իր կառավարությունը: Այդ պատճառով բանակցային գործընթացի մասին խոսք անգամ լինել չի կարող: Հայաստանն ուներ ուժեղ դիրքեր, բայց Երեւանն այդ դիրքերից չցանկացավ բանակցել:
Այժմ Ադրբեջանն ունի իր դիրքերը ՝ Թուրքիայի աջակցությամբ: Բացի այդ, Ադրբեջանն ունի «Շուշիի պայմանագիրը», որով այդ երկրները վերածվում են Հայաստանի դեմ ուղղված մեկ ռազմատնտեսական մոնոլիտի: 4,5 տարի անց ռուս խաղաղապահները կարող են հեռանալ Ղարաբաղից, եթե նրանց լիազորությունները չերկարաձգվեն, և ոչ ոք նրանց չի փոխարինելու: Խոսակցությունն այն մասին, որ Հայաստանը աջակցություն կգտնի Եվրոպայում կամ Ամերիկայում, անհեթեթություն է», - ասել է Սատանովսկին:
00:00:00
