ՀՀ վարչապետի պաշտոնակատար Նիկոլ Փաշինյանը ՌԴ ԱԳ նախարար Սերգեյ Լավրովի հետ հանդիպմանը նշել է, որ Հայաստանը բոլոր միջոցները ձեռք կառնի` 2020 թ. նոյեմբերի 9-ի և 2021 թ. հունվարի 11-ի եռակողմ հայտարարություններով ձեռք բերված պայմանավորվածությունները կյանքի կոչելու համար: «Մենք պատրաստ ենք առավելագույն ջանքերը ներդնել` եռակողմ ձևաչափում կողմերի կառուցողական երկխոսությունն ապահովելու համար»,- ասել է նա: Միևնույն ժամանակ Փաշինյանն ընդգծել է, որ «Ադրբեջանի գործողություններն ամենևին էլ չեն նպաստում եռակողմ զրույցներում առաջընթաց գրանցելուն»: