Էդգար Ղազարյանը տեղյակ չէ՞, որ արտահերթ ընտրությունների գնալու պայմանավորվածություն կա։ Խորհրդարանում լրագրողների հետ ճեպազրույցի ժամանակ այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ՍԴ աշխատակազմի նախկին ղեկավար Էդգար Ղազարյանի հայտարարությանը, ով կոչ է անում խորհրդարանական ընդդիմությանը վարչապետի թեկնածու առաջադրել։ «Էդգար Ղազարյանը պետք է իրեն հաշիվ տա, թե ինչ է խոսում իմ մասին։ Թող Էդգար Ղազարյանը և նրան ներկայացրած ուժն ասեն՝ այս ինչ սահմանադրություն են գրել, որ այս երկիրն այս վիճակում է։ Ներողություն խնդրե՞լ են նրա համար, որ բոլորս այս կրկեսով պետք է անցնենք ընտրությունների գնալու համար»,-հավելեց Էդմոն Մարուքյանը։