Այսօր խորհրդարանում պատգամավոր Ռուբիկ Ստեփանյանը, դիմելով փոխոստիկանապետ Արա Ֆիդանյանին, հիշեցրեց Շուշիում զոհված ու վիրավորված ոստիկանների մասին՝ նշելով, որ զոհերի թվում է եղել նաև Աշոցքի բաժնի պետ Արմեն Խաչատրյանը, ում ճակատագիրը մինչ այս պահը հայտնի չէ: Ֆիդանյանը հայտնեց, որ բազմաթիվ միջոցառումներ են ձեռնարկվել թե՛ այն վայրում, որտեղ տեղի է ունեցել ողբերգությունը, թե՛ հարակից տարածքներում, այնուհետև՝ նաև հիվանդանոցներում, հատկապես՝ Գորիսում, որտեղ ենթադրվում էր, որ կարող էր նա գտնվել: Ցավոք մինչ օրս որևէ տեղեկություն չկա: