Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Արմեն Սարգսյանն այսօր՝ մայիսի 4–ին, ընդունել է հիմնադրամի գործադիր տնօրեն Հայկակ Արշամյանին: Ինչպես տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից, հիմնադրամի գործադիր տնօրենը նախագահ Սարգսյանին ներկայացրել է ներկայումս իրականացվող ծրագրերը, ինչպես նաեւ առաջիկա աշխատանքները:
Նախագահ Սարգսյանն անդրադարձել է վերջերս Սյունիքի մարզ կատարած իր աշխատանքային այցին եւ մարզի բնակչության կողմից բարձրացված խնդիրներին: Նա մասնավորապես կարեւորել է մարզի սահմանամերձ համայնքների, բնակչության կենցաղային, սոցիալ-տնտեսական կարիքների բավարարմանն ուղղված ծրագրերի իրականացումը եւ դրանցում հիմնադրամի հնարավոր ներգրավվածությունը:
00:00:00
