ՌԴ ՊՆ-ն հայտնում է, որ Արցախում տեղակայված ռուսական խաղաղապահ զորախմբի զինծառայողները 1941-1945 թվականների Հայրենական մեծ պատերազմում Հաղթանակի օրվան նվիրված հանդիսավոր երթի նախապատրաստման աշխատանքներ են իրականացնում։
Ըստ գերատեսչության՝ Ստեփանակերտի օդանավակայանում հանդիսավոր երթի փորձերին մասնակցել է մոտ 400 ռուս զինծառայող:
Հանդիսավոր երթի փորձերին մասնակցում է Կենտրոնական ռազմական օկրուգի 15-րդ առանձին մոտոհրաձգային բրիգադի (խաղաղապահ) անձնակազմը՝ ԼՂ-ում ռուսական խաղաղապահ զորակազմի հիմքը: Փորձերին մասնակցում են նաև հումանիտար արձագանքման կենտրոնի, ռազմական ոստիկանության, հատուկ նշանակության բժշկական ջոկատի ստորաբաժանումների, ռուսական խաղաղապահ զորակազմի կառավարման խմբի, նյութատեխնիկական ապահովման ստորաբաժանման անձնակազմերը։
