Պատմաբան, Տիգրանակերտի արշավախմբի ղեկավար Համլետ Պետրոսյանը ֆեյսբուքյան իր էջում գրել է. «1997 թվականից Արցախում պեղումներ ենք անում: Քանի որ մեր երկրի մի քանի կոպեկը դառնում էր առանձնատուն կամ ցորենի սալյարկա, միջոց չէր մնում լռեցնել ադրբեջանա-թուրքական ռադիոալիքները: Ստիպված էի (երբեմն էլ հետաքրքիր էր) մեկ-մեկ ադրբեջաներեն լուրերը լսել: Այդ երկար տարիների ընթացքում արդբեջանական ռադիոն չէր օգտագործում Հայաստան կամ հայեր բառերը: Փոխարենը` թշնամիներ, թշնամական երկիր: Եվ հիմա կարծում եք, թե ձեր աճպարարությամբ պիտի բարեփոխե՞ք թշնամուն, նրան դարձնեք գործընկե՞ր: Է` ասենք, դուք նրանց թշնամի չասացիք, դրանով դադարեցիք թշնամի լինել: Թշնամու ուժը չունեք, գոնե թշնամուն «վայել» արժանապատվություն ունեցեք»: