«Հայրենիքի փրկության շարժումը» կշարունակի գործել։ Այդ մասին Բաղրամյան պողոտայում լրագրողների հետ ճեպազրույցի ժամանակ հայտնել է շարժման համակարգող Իշխան Սաղաթելյանը: «Հնարավորություն եմ տեսնում, որ «Հայրենիքի փրկության շարժումը» կարող է լիարժեք գործել, որովհետև մենք ընդհանուր կոնսենսուս ունենք՝ այս իշխանություններին հեռացնելու: Եթե անհաղթահարելի իրավիճակ լինի, հանդես կգանք», - ասել է Սաղաթելյանը և հավելել, որ այս պահին շատ կարևոր է ՀՓՇ օրակարգով պայքարը շարունակելը: