Հայաստանի վարչապետի պաշտոնակատար Կարեն Կարապետյանն ու Ռուսաստանի նախագահ Վլադիմիր Պուտինն այսօր հեռախոսազրույցի ընթացքում քննարկել են հանրապետությունում ստեղծված ներքաղաքական իրավիճակը, հաղորդում է Կրեմլի մամուլի ծառայությունը: «Ընդգծվել է, որ Հայաստանում ճգնաժամային իրավիճակը պետք է կարգավորվի բացառապես օրինական դաշտում, գործող Սահմանադրության շրջանակում և 2017-ի ապրիլին անցկացված խորհրդարանական լեգիտիմ ընտրությունների հիման վրա: Այդ համատեքստում հատուկ ուշադրություն է դարձվել մայիսի 1-ին նախանշված վարչապետի ընտրությանը», – ասված է հաղորդագրությունում: